Маңғыстау облысы әкімдігінде әкімнің бірінші орынбасары Бельгияның Құрметті консулымен және БеНиЛюкс Сауда палатасы басшылығымен кездесті

2025 жылғы 17 маусымда Маңғыстау облысы әкімінің бірінші орынбасары мырза Ізбергенов Ерболат Құрентайұлының Қазақстандағы Бельгия Корольдігінің Құрметті консулы мырза Арифов Мұртазамен және Қазақстандағы «БеНиЛюкс» Сауда палатасының басшылығымен — оның Президенті мырза Денис Ван ден Вейхпен кездесуі өтті.

Кездесу аясында ынтымақтастықтың үш басым бағыты қаралды:

1. Облыстың сумен жабдықтау мәселелерін кешенді шешу;
2. Өңірдің энергетикалық қауіпсіздігі;
3. Денсаулық сақтау саласындағы жобаларды іске асыру.

Облыс әкімдігі, оның ішінде салалық басқармалардың басшылары, ұсынылған бастамаларды іске асыруға қызығушылық пен қолдау білдірді.

Облыс әкімінің бірінші орынбасары мырза Ізбергенов Е.Қ. сөзінде делегация өкілдерін жылы қарсы алып, көрсетілген бағыттарға түсініктеме беріп, ауруханы, газтурбиналық электр станциясын және тұщыландыру зауытын салу жобаларын одан әрі талқылау үшін жұмыс тобын құруды ұсынды.

«ARTEX Holding» компаниясының құрылтайшысы да болып табылатын Бельгия Корольдігінің Қазақстандағы Құрметті консулы мырза Арифов М.Р. жуырда Еуропаға жасаған іскерлік сапары аясында жоғарыда аталған жобаларға қатысуға мүдделі бірқатар жетекші халықаралық компаниялармен келіссөздер жүргізгенін хабарлап, қазақстандық тараппен практикалық консультацияларды бастауға дайын екенін растады.

Қазақстандағы «БеНиЛюкс» Сауда палатасының Президенті мырза Денис Ван ден Вейх өңірдің инвестициялық әлеуетіне жоғары баға беріп, бірлескен бастамаларды сәтті іске асыру үшін жергілікті мемлекеттік билік органдары тарапынан жүйелі қолдаудың маңыздылығын атап өтті.

Кездесу қорытындысы бойынша тараптар тұрақты және ұзақ мерзімді серіктестікті дамытуға өзара мүдделілігін растады. Талқыланған бағыттардың әрқайсысы бойынша жол картасын дайындауды бастау туралы шешім қабылданды.