БеНиЛюкс Палатасы мүше-компанияларының кәсіпорындарына бару

Кәсіпорындарға бару дәстүрі аясында осы жылдың 4 және 5 сәуірінде Бельгия Корольдігінің ҚР-дағы Елшісі Анри Вантигемнің, БеНиЛюкс Сауда палатасының Президенті Дениса Ван ден Вейхтің, БеНиЛюкс Сауда палатасының Бас директоры Ануар Куржикаевтың Палата мүшесі компаниялардың кәсіпорындарына сапарлары ұйымдастырылды. Ақтөбе облысында делегация «AMF Group» компаниясына тиесілі Жаңажол газтурбиналық электр станциясына (ЖГТЭС), ал Ақтау қаласында — «Artex» компаниясының екі заманауи зауытына барды: біріншісі — жылына 200 мың м3 қуаттылықпен автоклавты газбетон өндіретін, екіншісі — жылына 120 мың тонна қуаттылықпен арматуралық тор өндіретін зауыт.

ЖГТЭС-ке сапар аясында электр энергиясы саласындағы ынтымақтастықтың маңызды мәселелері талқыланып, Ақтөбе облысында өңірдің жылыжай шаруашылықтарының қажеттілігі үшін қолжетімді электр энергиясын беруге арналған перспективалы бағыттар қаралды. Талқылау барысында, әсіресе бельгиялық және нидерландтық компаниялардың ауыл шаруашылығы саласындағы құзыреттілігін ескере отырып, осы саладағы өзара іс-қимылдың елеулі әлеуеті атап өтілді.

Сондай-ақ энергетика секторында жаңа нысандарды жаңғырту мен салу мүмкіндіктері, AMF Group компаниясы ұсынатын шешімдерді қоса алғанда, озық технологиялар мен инновациялық шешімдерді енгізу мәселелері көтерілді. Бельгия, Нидерланды, Люксембург пен Қазақстан Республикасы арасындағы бұл саладағы ынтымақтастықтың экономиканың өсуіне және энергетика саласындағы тұрақтылықтың артуына ықпал ететін өзара тиімді серіктестік үшін орасан зор әлеуеті бар.

«Artex» компаниясының зауыттарына бару барысында делегация мүшелері автоклавты газбетон мен металл арматуралық тор өндірісінде қолданылатын заманауи технологиялармен танысты. Өндірілетін өнімнің жоғары сапасы мен қолжетімді бағасын ескере отырып, осы өнімді ЕО елдеріне жеткізу мүмкіндігі туралы мәселелер талқыланды.