IGK Group мен БеНиЛюкс Палатасының дөңгелек үстелі: «Заманауи реалийлердегі тәуекел-менеджмент»

2025 жылғы 17 қазанда Ақтау қаласында IGK Group Kazakhstan компаниясы БеНиЛюксСауда Палатасымен бірлесіп ұйымдастырған «Заманауи реалийлердегі тәуекел-менеджмент» тақырыбындағы дөңгелек үстел өтті. Іс-шара Road Show форматында өтіп, өңірдің бизнес өкілдерін, мемлекеттік құрылымдар мен инвесторларды жинады.

Іс-шараның бастамашысы — Палата мүшесі IGK Group компаниясы болды.
Іс-шараны Ануар Куржикаев ашып, Палата қызметінің негізгі бағыттарын таныстырды және заманауи бизнес жүргізу жағдайында тәуекелдерді бағалау мен азайту мәселелері бойынша халықаралық диалог құрудың маңыздылығын атап өтті.

IGK Group Kazakhstan бас директоры Артём Толстов негізгі баяндамамен сөз сөйлеп, халықаралық тәжірибеде қолданылатын кредиттік тәуекел-менеджменттің практикалық кейстері мен құралдарын таныстырды.

IGK Group қаржылық талдаушысы Ирина Казарина ЕО мен Бенилюкс елдерінің компаниялары белсенді қолданатын тәуекелдерді бағалау модельдерін және талдамалық шолуды, сондай-ақ оларды қазақстандық нарыққа бейімдеу мүмкіндіктерін таныстырды.

Дөңгелек үстел талқылауына мангистау өңірінің негізгі компаниялары мен институттарының өкілдері қатысты:

• Канат Меирман, Kazakh Invest өңірлік директоры;
• Серик Ахметов, Құрық портының бұрынғы басшысы;
• Ади Жасанбаев, Semurg Invest коммерциялық директоры;
• Ануар Куатов, Automation & Power Manufacturing Kazakhstan директоры;
• Ерсеит Турсинов, «Каспий» ӘПК АҚ тәуекел-менеджері;
• Ирина Калининская, «Caspi Prom Tekh» ЖШС директоры;
• Гульшат Самиева, Caspian Coast қаржы директоры;
• Самат Кенжебаев, KazIntegStroy өкілі.

Талқылау барысында қатысушылар инвестициялық және өндірістік салалардағы тәуекелдерді бағалау тетіктерін дамыту бойынша тәжірибе мен ұсыныстармен алмасып, өңірдегі инвестициялық ахуалды жақсарту үшін бизнес пен мемлекеттік құрылымдардың өзара іс-қимыл мәселелерін де қозғады.

Іс-шара бейресми жағдайдағы кофе-брейкпен аяқталды, онда қатысушылар пікір алмасуды жалғастырып, еуропалық және қазақстандық компаниялар арасындағы одан әрі ынтымақтастық перспективаларын талқылай алды. Іс-шараның спонсоры — IGK Groupкомпаниясы.

Ұйымдастыру мен өткізуді қамтамасыз етті:

• Ануар Куржикаев, Палатаның Ақтаудағы өңірлік директоры — дөңгелек үстелдің модераторы;
• Альбина Салимова, Палатаның Ақтаудағы бас хатшысы — кездесудің үйлестірушісі және ұйымдастырушысы.