BeNeLux — Kazakhstan Trade Talks

2024 жылғы 15 ақпанда Астана қаласында Назарбаев Университетінің Бизнес мектебінде БеНиЛюкс Сауда Палатасы QazTrade және Nazarbayev University-мен бірлесіп ұйымдастырған «BeNeLux — Kazakhstan Trade Talks» алғашқы кездесуінің салтанатты ашылуы өтті.

Іс-шараға Бельгия Корольдігінің Елшісі мырза Анри Вантигем мен Нидерланды Корольдігінің Елшісі мырза Нико Схермерс, QazTrade және Kazakh Export басшылығы, сондай-ақ Палата мүшелері — Batys Woodworks Production және Nijhuis Saur Industries компаниялары қатысты.

Диалог алаңында Бенилюкс елдері мен Қазақстан арасындағы сауда және инвестициялық қатынастардың түрлі аспектілері белсенді талқыланды. Талқылау орталығында Кеңейтілген серіктестік пен ынтымақтастық туралы келісім (КСЫК) аясында сауданы кеңейту әлеуеті, Қазақстан мен Бенилюкс елдері арасындағы ағымдағы геосаяси және сауда қатынастары, Қазақстанның инвестициялық әлеуеті, сондай-ақ қазақстандық тауарлар мен қызметтердің ЕО/Бенилюкс өңіріне экспортын қолдау мәселелері болды.

Бұл іс-шара қатысушыларға ынтымақтастықтың негізгі аспектілерін талқылауға және өңірлер арасындағы сауда қатынастарын одан әрі дамытудың нақты стратегияларын әзірлеуге бірегей мүмкіндік берді. BeNeLux — Kazakhstan Trade Talks аясында өткен пікір және тәжірибе алмасу қатысушылар арасындағы өзара түсіністік пен сенімді нығайтуға ықпал етті, бұл тұрақты және өзара тиімді стратегиялық серіктестікке қарай маңызды қадам болып табылады.