«QazBioPharm» Ұлттық холдингімен кездесу

2024 жылғы 24 қаңтарда Астана қаласында ҚР-дағы БеНиЛюкс Сауда Палатасының «QazBioPharm» Ұлттық холдингі АҚ-мен кездесуі өтті. Палата тарапынан Бас директор А.М. Куржикаев, Бас директордың орынбасары Л.Е. Долдырина және Бас хатшы И.С. Ли қатысты. Холдингті Бас директор Е.О. Әбдураимов, ғылым, коммерцияландыру және өндіріс жөніндегі Бас директордың орынбасары А.С. Рсалиев, биологиялық қауіпсіздік жөніндегі Бас директордың кеңесшісі Р.Ф. Каменов, халықаралық ынтымақтастық, маркетинг және жылжыту департаментінің директоры Б.Б. Әбіт, халықаралық ынтымақтастық басқармасының басшысы М.Н. Бекжанов таныстырды.

Кездесу барысында 2024 жылғы 10–13 наурызда «Catalent», «Janssen», «UCB» сияқты компаниялардың өндірістік алаңдарына, сондай-ақ Гент қаласының университеттік клиникасына сапар шегуді қамтитын қазақстандық медициналық және фармацевтикалық институттар мен компаниялардың Бельгияға алдағы Сауда миссиясын дайындау мәселелері талқыланды.

Сонымен қатар холдинг пен оның 8 еншілес компаниясын ЕО елдерінің Елшілеріне, Палата мүшелеріне таныстыруды мақсат ететін 2024 жылғы ақпанда өтетін іс-шараны өткізу мәселесі талқыланды.

Кездесудің қорытындысы бойынша бірінші басшылар «QazBioPharm» Ұлттық холдингі» АҚ мен Қазақстан Республикасындағы «Ассоциация «БеНиЛюкс Сауда Палатасы» ЗТБ арасында өзара түсіністік және ынтымақтастық туралы меморандумға қол қойды. Осы меморандумның мақсаты — өз құзыреттері шегінде ынтымақтастық орнату мен дамыту, сондай-ақ сауда және инвестициялық мүмкіндіктерді ілгерілету.

Сонымен бірге тараптар БеНиЛюкс елдерімен (Бельгия Корольдігі, Нидерланды Корольдігі, Люксембург Ұлы Герцогтігі) биофармацевтика саласындағы іскерлік және ғылыми-техникалық ынтымақтастық пен серіктестікті нығайтуды жоспарлап отыр, бұл отандық фармацевтикалық, дәрі-дәрмек және ветеринариялық препараттарды сыртқы нарықтарға дамыту мен жылжытуға, сондай-ақ еуропалық фармацевтикалық компанияларды Қазақстан аумағында өндіріске тартуға бағытталған.

Анықтама үшін:
«QazBioPharm» Ұлттық холдингі» АҚ — ҚР Денсаулық сақтау министрлігіне ведомстволық бағынысты, мемлекеттің 100% қатысуымен құрылған компания; ол биологиялық қауіпсіздікті қамтамасыз ету, биофармацевтикалық нарық инфрақұрылымын тұрақты дамыту және жетілдіру, биофармацевтика ғылымы мен өнеркәсібінің дамуын ынталандыру, сондай-ақ мемлекет пен қоғамның биофармацевтикалық өнімге деген қажеттілігін қамтамасыз ету, биологиялық қауіпсіздік мәселелері бойынша ведомствоаралық өзара іс-қимыл мақсатында құрылған.