БеНиЛюкс Сауда палатасы мен «QazBioPharm» холдингінің бірлескен іс-шарасы

2024 жылғы 20 ақпанда Астана қаласында «QazBioPharm» ҰК» АҚ ЕО елдері елшіліктерінің сауда және экономикалық кеңесшілері мен еуропалық фармацевтикалық компаниялардың өкілдеріне арналған «Инвестицияларды тарту және өндірісті локализациялау» семинары өтті. Семинар БеНиЛюкс Сауда Палатасы мен «QazBioPharm» холдингі арасында 2024 жылғы қаңтарда қол қойылған өзара түсіністік және ынтымақтастық туралы меморандум аясында ұйымдастырылған алғашқы іс-шара болды. Іс-шара ЕО-ның ҚР-дағы Өкілдігінің жәрдемдесуімен ұйымдастырылды.

Кездесуге «QazBioPharm» ҰК» АҚ, БеНиЛюкс Сауда Палатасының басшылары, Бельгия, Нидерланды, Болгария, Латвия, Хорватия, ЕО дипломатиялық миссияларының өкілдері, сондай-ақ Назарбаев Университеті мен «AstraZeneca» фармацевтикалық компаниясының өкілдері қатысты.

«QazBioPharm» ҰК» АҚ өз құрамына кіретін 8 ұйымды — Биологиялық қауіпсіздік проблемалары ғылыми-зерттеу институтын, OtarBioPharm зауытын, Ұлттық биотехнология орталығын, М. Айкімбаев атындағы Аса қауіпті инфекциялар ұлттық ғылыми орталығын, Қазақ ветеринария ғылыми-зерттеу институтын, Инфекцияға қарсы препараттар ғылыми орталығын, Республикалық микроорганизмдер коллекциясын, «БиоМедПрепарат» ғылыми-талдау орталығын — таныстырып, олардың қызметінің ерекшеліктерімен таныстырды. Кездесудің басты мәселесі — еуропалық инвестицияларды тарту және инновациялық фармацевтикалық өнімді ҚР аумағында локализациялау болды.
Еуропалық дипломатиялық миссиялардың өкілдері фармацевтикалық өндіріс, препараттарды бірлесіп әзірлеу, кадрлар даярлау саласындағы ынтымақтастыққа қызығушылық танытты.

Кездесудің соңында қатысушылар үшін «QazBioPharm» холдингінің бірнеше зертханасына танысу сапары ұйымдастырылды.

Анықтама үшін:
QazBioPharm — биотехнология саласындағы ғылыми зерттеулер мен әзірлемелермен айналысатын ұлттық холдинг. Құрылған күні — 2022 жылғы шілде.

ХОЛДИНГТІҢ МИССИЯСЫ:
Биологиялық қауіпсіздікті қамтамасыз ету, биофармацевтикалық нарық инфрақұрылымын тұрақты дамыту және жетілдіру, биофармацевтика ғылымы мен өнеркәсібінің дамуын ынталандыру, сондай-ақ мемлекет пен қоғамның биофармацевтикалық өнімге деген қажеттілігін қамтамасыз ету мақсатында жарғылық капиталындағы мемлекеттік үлестер Холдингтің иелігі мен пайдалануына берілетін заңды тұлғаларды тиімді басқару.