Ақтауда Бельгия Корольдігінің консулдығы мен БеНиЛюкс Сауда Палатасы өкілдігінің ашылуы

2025 жылғы 17 сәуірде Ақтау қаласында Бельгия Корольдігінің Құрметті консулдығы мен БеНиЛюкс Сауда палатасы өкілдігінің салтанатты ашылу рәсімі өтті. Бұл маңызды оқиға Бельгия Корольдігі мен Қазақстан Республикасы арасындағы сауда-экономикалық, инвестициялық және дипломатиялық байланыстарды нығайтуға арналған.

Бельгия Корольдігінің Қазақстан Республикасындағы Елшісі Анри Вантигем өз сөзінде Транскаспий халықаралық көлік дәлізін одан әрі дамытудың маңыздылығын атап өтті. Белгілі болғандай, бельгиялық «Jan De Nul» компаниясы теңіз құрылысы саласындағы әлемдік көшбасшы болып табылады және өткен жылы Құрық портында Каспий теңізінің түбін тереңдету жұмыстарын аяқтады, бұл транскаспий халықаралық көлік бағыты бойынша жүк тасымалының артуына ықпал етеді деп күтілуде.

Өз сөзінде Маңғыстау облысы әкімінің орынбасары Аббат Үрісбаев бельгия консулдығының — Еуропалық одақтың алғашқы консулдығының — ашылуын жылы қарсы алып, Бенилюкс өңірінің жоғары инвестициялық әлеуетін атап өтті, ол Қазақстандағы №1 инвестор болып табылады, және Бенилюкс Палатасының мүшелерін өңірдегі экономикалық қатысуын кеңейтуге шақырды.

Бельгия Корольдігінің мүддесін білдіруге тағайындалған Құрметті консул Мұртаза Арифов Маңғыстау облысының ресми, дипломатиялық және іскерлік топтарына ресми түрде таныстырылды. Сондай-ақ «ARTEX Holding» құрылтайшысы болып табылатын Мұртаза Арифов энергетика мен баламалы энергия көздерін дамыту, су секторы, денсаулық сақтау, ауыл шаруашылығы, сондай-ақ білім беру және әлеуметтік жобалар сияқты өңір үшін басым секторларда инвестициялық жобаларды дамыту бағытына адал екенін растады. Бельгия Корольдігінің жаңа Құрметті консулдығының кең юрисдикциясын ескере отырып, Мұртаза Арифов жаңа инвестициялық және инфрақұрылымдық жобаларды талқылау үшін Атырау, Ақтөбе және Батыс Қазақстан облыстарына да сапар жасауды жоспарлап отыр.

Қазақстандағы Бенилюкс Сауда палатасының Президенті Денис ван ден Вейх Палата тікелей шетелдік инвестицияларды тартуға және қазақстандық экспортты, қазақстандық компаниялардың Еуропалық одақ нарығына шығуын қолдауға ерекше көңіл бөлетінін атап өтті.

Ақтау қаласында Бенилюкс Сауда палатасының Құрметті консулдығы мен филиалының ашылуы екі елдің іскерлік қоғамдастықтары арасында тікелей байланыс орнатуға жаңа серпін беріп, бірлескен инвестициялық жобалар мен сауда-экономикалық ынтымақтастықтың жалпы алғанда қосымша мүмкіндіктерін ашады.