БеНиЛюкс Сауда Палатасының мүшелері Брюссельде стратегиялық серіктестік туралы келісімге қол қойды

2023 жылғы 15 қарашада Брюссельдегі Қазақстан Республикасының Елшілігі ғимаратында БеНиЛюкс Сауда Палатасы мен Қазақстанның Бельгия Корольдігіндегі дипломатиялық миссиясының қолдауымен Палата мүшелері — қазақстандық «FORUM GROUP ASTANA» компаниясы мен люксембургтық «Lobox Architectes S.à.r.l.» компаниясы арасында стратегиялық серіктестік туралы келісімге қол қою рәсімі өтті.

Келісімге қол қою осы жылғы 2–6 қазанда Люксембургтың Қазақстанға сауда миссиясы аясында өткен келіссөздердің нәтижесі болды.

Бұл Келісім Астанада 350 гектар аумақтағы құрылыс инвестициялық жобасын бірлесіп іске асыруды көздейді.

FORUM GROUP ASTANA — девелоперлік жобалар портфелін басқаратын біріккен компаниялар тобы.

Lobox Architectes — штаб-пәтері Люксембургте орналасқан ірі сәулет-жобалау компаниясы. Компанияның портфолиосында Франция, Германия, Люксембург, Нидерланды, Испания, Швейцария және Венесуэладағы жобалардың кең спектрі бар.

Келісімге қол қойғандар:

«FORUM GROUP ASTANA» ЖШС атынан — бас директор Мағамед Имадов.

«Lobox Architectes S.à.r.l.» атынан — Жобаның аға менеджері әрі серіктес құрылтайшы Джанкарло Флорес, сондай-ақ Басқарушы директор әрі серіктес құрылтайшы Лионель Лобо.